நீங்கள் தேடியது "விடுதலை சிறுத்தைகள் ஆர்ப்பாட்டம்"

விளாத்திகுளம்:

விளாத்திகுளம் விடுதலை சிறுத்தைகள் கட்சி வடக்கு மாவட்டத்தின் சார்பில் ஆர்ப்பாட்டம் நடைபெற்றது. ஆர்ப்பாட்டத்திற்கு வடக்கு மாவட்ட செயலாளர் கதிரேசன் தலைமை தாங்கினார். ஒன்றிய பொறுப்பாளர்கள் காந்திராஜன், மாதவன், சங்கர் ஆகியோர் முன்னிலை வகித்தனர் . 

ஆர்ப்பாட்டத்தில் விளாத்திகுளம் பேரூராட்சி நிர்வாகத்தில் அனைத்து டெண்டர்களும் பெயரளவில் மட்டும் அறிவிப்பு செய்துவிட்டு கையூட்டு பெற்றுக்கொண்டு மறைமுகமாக டெண்டர் விடுவதை தடுத்து விட வேண்டும், விளாத்திகுளம் மருத்துவமனையில் 24  மணி நேரமும் பணியில் மருத்துவர் இருக்க வேண்டும் உட்பட பல்வேறு கோரிக்கைகளை வலியுறுத்தி கோஷம் எழுப்பப்பட்டது.

நிகழ்ச்சியில் நிர்வாகிகள் மோகன், குமாரவேல் ஆகியோர்கள் கண்டன உரையாற்றினர். முடிவில் நகர செயலாளர் அழகு முனியசாமி நன்றி கூறினார்.